Məktəbəqədər təhsil müəssisələrində problemli uşaqlarla normal uşaqların eyni qrupa daxil olması düzgün deyil. Bunun qarşısının alınması üçün bu müəssisələrdə psixoloq olmalıdır. O, uşaqlarla müxtəlif testlər keçirərək, onları müəyyən qruplara ayırmalıdır. Bizdə təhsil müəssisələrində psixoloqların olmaması həm uşaqlar arasında, həm də valideynlər arasında münaqişələrin yaranmasına gətirib çıxarır.

"Psixoloji problem dedikdə, buraya həmin uşağın müntəzəm olaraq yalan danışması, davranış qaydalarına əməl etməməsi və digər hallar daxildir. Bəzən valideynlər uşaqlarına münasibətin sərtləşməməsi üçün narazılıqlarını dilə gətirmirlər. Bunun da nəticəsində həmin problemlər daha da artır. Psixoloji problemi olan uşaqlar üçün dövlət dəstəyi var. İnklüziv təhsildə psixoloji pozuntuları və fiziki, əqli qüsurlu olan şəxslər üçün xüsusi məktəblər var. Niyə belə uşaqlar həmin məktəblərdə deyil, normal uşaqların oxuduğu məktəblərdə təhsil alırlar? Bu, bir sıra problemlərin ortaya çıxmasına səbəb olur. Problemin həlli üçün bəzən bu müəssisələrdə uşaqları qorxudurlar. Bunun nəticəsi olaraq uşaqlarda bir sıra fəsadlar yarana bilər. Qorxu uşaqlarda özgüvəni yox edir. Onlarda özünəhörmət və özünətənqid hissini formalaşdırmaq lazımdır. Tədris müəssisələrində admistrator olmalıdır. Uşaqlarla problem olan zaman o valideynlərlə əlaqə saxlamalı və problemin həlli üçün çalışmalıdırlar”. (axar.az)