Tanınmış saatsazın polis oğlu işdən çıxarılıb.

Xeberle.com APA-ya istinadən məlumat verir ki, Bakı şəhər Dövlət Yol Polisi İdarəsinin əməkdaşı Ceyhun Fətəliyev tutduğu vəzifədən azad edilib.

Bakı şəhər Dövlət Yol Polisi İdarəsindən bildirilib ki, C. Fətəliyev xidməti avtomobili ilə yol qəzası törətdiyi üçün işdən çıxarılıb.

C.Fətəliyev Bakının məşhur saatsazı Hacı Fətəliyevin oğludur. Hacı Fətəliyev oğlunun işdən çıxarılması ilə bağlı məlumatı təsdiqləyib.

Qeyd edək ki, Ceyhun Fətəliyev 2015-ci ildə Bakının Nizami Rayon Polis İdarəsinin Post Patrul Xidməti bölüyünün tağım komandiri vəzifəsinə təyin olunmuşdu.

 

Xəbərdən istifadə edərkən istinad etmək vacibdir.