Bəs Sumqayıtlı məmurlar Yeni ili harada və necə keçirməyi planlaşdırır?

Sumqayıt Şəhər İcra Hakimiyyətinin başçısı yanında Sumqayıt Avtomobil Nəqliyyatı ilə Sərnişindaşıma İdarəsinin rəisi Seyfulla Əsədullayev yeni ili Sumqayıtda keçirəcəyini bildirib: "Bayramı Sumqayıtda restoranların birində keçirəcəyəm".

"Azəristiliktəchizat” ASC-nin "Sumqayıtistiliktəchizatı” İdarəsinin rəisi Avtandil Nuriyev bayramı nəvələri ilə birlikdə keçirəcəyini deyib:

"Yeni ili Sumqayıtda, evimdə 9 nəvəmlə, ailəmlə birgə keçirəcəyəm".

"Azərişıq” ASC-nin Şimal regional təchizatı və satışı idarəsinin paylayıcı şəbəkə sahəsinin baş mühəndisi Arzuman İsmayılov da bayramı Sumqayıtda qarşılayacağını qeyd edib: "Mən 15 ildir ki, ayın 31-ni evdə yox, idarədə keçirdirəm. Həmin gün işdə oluram ki, insanlara fasiləsiz xidmət göstərək. Ayın əvvəllərində isə elə şəhərdə oluram".

Sumqayıt şəhər Qaz İstismar İdarəsinin baş mühəndisi Teymur Balıyev isə bayramıl harada keçirəcəyini qərarlaşdırmayıb: "Bayramı harada keçirəcəyimi hələ bilmirəm".

Sumqayıt şəhər Təmizlik Departamentinin direktoru Məhəmməd Məmmədov deyib ki, bayramı artıq keçirib.

"Bayramı elə dünən Sumqayıtın "Qərb" sarayında keçirtdik".

Sumqayıt Sukanal İdarəsinin rəis müavini Qurban Mikayılov bayramı evdə yox, işdə keçirəcəyini söyləyib: "Bayramı yəqin ki, işdə keçirəcəyik. Həmin günü başqa cür mümkün də deyil".

Sumqayıt şəhər Mədəniyyət və Turizm Regional İdarəsinin rəisi Mehman Şükürov bayramı şəhərdə keçirəcəyini söyləyib:

"Bayramı ailəmizlə, Sumqayıt bulvarında keçirəcəyik".

Məmur olmasa da 2017-ci ildə uğurları ilə iz qoyan "Sumqayıt” komandasının baş məşqçisi Samir Abbasovun da bayram gününü harada keçirməsi ilə maraqlandıq. O qeyd etdi ki, bayramı elə şəhərdə keçirəcək:

"Yeni ili Sumqayıtda, evimizdə ailəmizlə keçirəcəyik".

Hicranə İsmayılova

Xeberle.com