Mətbuat xidməti və ictimaiyyətlə əlaqələr şöbəsindənXeberle.com-a verilən məlumata görə, "Xoş müjdəli Yeni il” adlı bir saatlıq ədəbi, bədii və musiqili kompozisiyada Şaxta baba, Qar qız, köhnə ilin rəmzi olan Xoruz, Yeni il təmsil edən Alabaş, Küpəgirən qarı, həmçinin "Kimyaçı” Mədəniyyət sarayının bədii özfəaliyyət kollektivləri, rəqs qrupları və illuziyaçılar bir-birindən maraqlı proqramlarla uşaqlara sevinc bəxş ediblər. Çox yüksək səviyyədə təşkil olunmuş tədbir boyunca hər bir uşağa xüsusi yeni il hədiyyələri təqdim olunub.

Qeyd edək ki, "Kimyaçı” Mədəniyyət sarayında keçirilən tədbirdən əlavə 450 kimyacı ailəsinin uşaqlarına Birliyinin Həmkarlar İttifaqı Komitəsi tərəfindən Bakıdakı Əl oyunları idman sarayında təşkil olunmuş yeni il şənliyində iştirak etmək imkanı yaradılıb.

Bununla da yeni il şənliklərində iştirak edən uşaqların sayı ümumilikdə 2750 nəfər təşkil edib ki, bunlardan da 2550 nəfəri kimyaçı ailələrinin, 200 nəfəri isə şəhid ailələri və aztəminatlı ailələrin övladları olub.