2017-ci il ərzində Qadın Təşəbbüsü və Sosial Problemlərin Həllinə Yardım İctimai Birliyinin fəaliyyətinə dair qısa Hesabat.
Məlumat üçün ilk növbədə bildirmək istəyirik ki, "Qadın Təşəbbüsü və Sosial Problemlərin Həllinə Yardım” İctimai Birliyi 2003-cü ildə yaradılmış, 2005-ci ildə isə dövlət qeydiyyatına alınmışdır. Təşkilatın ofisi Sumqayıt şəhərində yerləşir, onun fəaliyyəti Sumqayıt şəhəri və yaxın 12 şəhər və rayonu əhatə edir. Təşkilat Azərbaycan Respublikası Əmək və Əhalinin Sosial Müdafiəsi Nazirliyi, AR Daxili İşlər Nazirliyi, Beynalxalq Miqrasiya Təşkilatı və sair qurumlar ilə sıx əməkdaşlıq edir. Əməkdaşlıq edilən qurumnlardan Sumqayıt şəhər İcra Hakimiyyətini də xüsusi ilə qeyd etmək lazımdır.
Təşkilat son illər insan alverinə və ailədaxili zorakılığa qarşı mübarizə sahəsində fəaliyyət göstərməyə daha çox üstünlük verir. 2017-ci il ərzində də insan alverinə qarşı mübarizə və ailədaxili zorakılığa qarşı mübarizə sahəsində bir sıra tədbirlər həyata keçirilmişdir. Bu fəaliyyət çərçivəsində insan alveri və ailədaxili zorakılıq qurbanlarına, risk qrupuna daxil olan şəxslərə pulsuz hüquqi, psixoloji və sosial işçi xidmətin təşkil edilmiş, insan alveri və ailədaxili zorakılığa qarşı mübarizə sahəsində çalışan mütəxəssislərin bilik və bacarıqlarının artırılması, dövlət orqanlarının bu sahəyə diqqətinin gücləndirilməsinə yönəlmiş tədbirlər icra olunmuşdur.
Təşkilat tərəfindən Sumqayıt şəhərində yaradılmış Günərzi Qayğı Mərkəzinə 2017-ci il ərzində 2 358 (iki min üç yüz əlli səkkiz) nəfər müraciət etmişdir. Müraciət edənlərin 1 233 nəfəri qadın, 1 125 nəfəri isə kişi olmuşdur.
Ofisə müraciət edən qadınların 988 nəfəri hüquqi xidmətdən, 245 nəfəri isə psixoloji xidmətdən yararlanmaq istəmişdirlər.
Ofisə müraciət edən kişilərin 1112 nəfəri hüquqi xidmətdən, 13 nəfəri isə psixoloji xidmətdən yararlanmaq istəmişdirlər.
Ofisə müraciət edən kişilərin ehtiyac duyduqları yardımın istiqamətləri:
- uşaqlar ilə ünsiyyət;
- ünvanlı sosial yardımın alınması;
- bank kreditləri məsələləri;
- əmlak məsələləri;
- əmək məsələləri;
Ofisə müraciət edən qadınıların ehtiyac duyduqları yardımın istiqamətləri:
- nigahın ləğvi və nigahın ləğvi zamanı uşağın ananın himayəsinə verilməsi, aliment, birgə əmlakın bölgüsü;
- nigahın ləğvindən sonra cehiz və qızıl əşyalarının geri alınması;
- məhkəmə qərarına əsasən ödənilməli olan alimentin ödənilməməsi (məhkəmə qətnaməsinin icra edilməməsi);
- ünvanlı sosial yardımın alınması;
- ailədaxili zorakalkığın qurbanı kimi müvafiq orqanlara müraciətlər;
- qanunsuz olaraq işdən çıxarılma və sair.
Təşkilat bütün müraciət edən şəxslərə davamlı və keyfiyyətli psixoloji, hüquqi xidmət göstərmişdir. Hüquqi xidmətlərin təşkili nəticəsində
- Sumqayıt şəhər İcra Hakimiyyəti tərəfindən ailədaxili zorakılığın qurbanı olmuş 3 qadına qısamüddətli mühafizə orderinin alınması mümkün olmuşddur.
- Alimentin ödənilməsinə dair icra edilməyən 38 məhkəmə qətnaməsinin mərhələli şəkildə icra edilməsinə nail olunmuşdur.
- Qanunsuz olaraq işdən çıxarılmış 4 qadın, 8 kişinin yenidən əvvəlki işə bərpa edilməsi mümkün olmuşdur.
- İş yerindən əmək haqqısını ala bilməyən 1 kişi, 5 qadının əmək haqqının alınıb onlara verilməsi mümkün olmuşdur.
- Qadına qarşı ailədaxili zorakılığ göstərmiş 5 kişinin inzibati, 1 kişinin isə cinayət məsuliyyətinə cəlb edilməsi mümkün olmuşdur.
- Ailədaxili zorakılığın qurbanı olmuş 2 qadına dəymiş maddi və mənəvi ziyanın ödənilməsini təmin etmək mümkün olmuşdur.
- Nigahın ləğvi zamanı uşaqların ananın himayəsinə verilməsini, alimentin qanunvericiliyin tələblərinə uyğun məbləğdə müəyyən edilməsini, birgə əmlakın bolgüsünü, cehiz və qızıl əşyalarının qadına geri qaytarılmasını təmin etmək məqsədi ilə il ərzində 76 qadın hüquqşunas ilə məhkəmə təmsil edilmişdir.
Psixoloji xidmət çərçivəsində müraciət edən şəxslər ilə fərdi və qrup məşğələləri təşkil edilmişdir. Təşkil edilmiş xidmətlərin yekununda təşkil edilmiş xidmətlərin keyfitəinə dair anonim sorğular keçirilmişdir. Respondentlərin 76% - i təşkil edilmiş xidmətlərin keyfiyyətini yüksək, 22%-i yaxşı, yalnız 2%-i orta qiymətləndirmişdir.
İctimai Birliyin rəhbəri
Zenfira Mustafayeva
Xəbərdən istifadə edərkən istinad etmək vacibdir.
