Milad bayramı ərəfəsində avtomobili ilə iki polis patrulunu vuran Lvovun azərbaycanlı sakini Elnarə Abiyeva haqqında yeni məlumat yayılıb. Belə ki, dörd il ərzində yol hərəkətini pozduğuna və onda narkotik keflənmə əlamətləri müşahidə olunduğuna görə Elnarə baəsində 13 protokol tərtib edilib.
Bu barədə Ukraynanın TCH telekanalı məlumat yayıb.
26 yaşlı Elnarə xidməti vəzifəsini yerinə yetirən hüquq-mühafizə orqanı əməkdaşlarına bədən xəsarətləri yetirməkdə şübhəli bilinir. Məsələ ilə bağlı artıq onun yaşadığı ünvana iki dəfə xəbərdarlıq məktubu göndərilib. Buna baxmayaraq, o, polis bölməsinə yaxınlaşmayıb.
Gələn həftə E.Abiyeva ilə bağlı yekun qərarın veriləcəyi gözlənilir. Belə ki, o, istintaqdan yayınmağa davam etsə, axtarışa veriləcək.

Xəbərdən istifadə edərkən istinad etmək vacibdir.