Azərbaycan Respublikasının Dövlət Himni ilə başlayan tədbirdə Xocalı şəhidlərinin ruhu bir dəqiqəlik sükutla yad edilib. Tədbirdə iştirak edən İcra Hakimiyyətinin İctimai-siyasi və Humanitar Məsələlər Şöbəsinin müdir müavini Fərman Kazımov Xocalı soyqırımının bəşəriyyətə qarşı törədilmiş ən dəhşətli hadisələrdən biri olduğunu vurğulayıb və bildirib ki, xalqımıza qarşı törədilən bu cinayətlərin əvəzinin veriləcəyi gün çox da uzaqda deyil.  Sonra Xocalı faciəsinə şahidlik edən, ehtiyatda olan zabit Ağalar Əlyaroğlu bu faciə zamanı öz doğma yurd-yuvasından didərgin düşən insanlar barədə dərin üzüntü hissi ilə danışıb.

Tədbirdə şair, pedaqoq Əvəz Mahmud Lələdağ da çıxış edərək ermənilərin daim iddialı olduqları "Böyük Ermənistan” arzularından bəhs edib və Xocalı soyqırımının onların əməllərinin yekunu olduğunu qeyd edib.

Bundan başqa tədbir iştirakçılarına Xocalı faciəsi ilə bağlı videoçarxlar təqdim edilib. Məktəblilər isə Xocalıya, Vətənə, bayrağa aid şeirlər səsləndiriblər.

Sonda gənc rəssamların Xocalıya həsr etdikləri rəsm əsərləri nümayiş olunub.

FOTO: Kamran Kazımzadə