"Bu gün onlayn media ictimai rəyin formalaşmasına dəstək olur”.
Xeberle.com-un xəbərinə görə, bunu jurnalistlərinin bu gün keçirilən VII qurultayında çıxışı zamanı "APA” Holdinqin Prezidenti Vüsalə Mahirqızı deyib.
"Zamanında onlayn mediaya dövlət dəstəyi səsləndiriləndə onun ən çox əleyhinə çıxan mən olmuşam. Hesab edirdim ki, reklam gəlirləri ilə maddi problemləri həll etmək olar. Lakin zaman göstərdi ki, reklam onlayn medianın problemlərini həll etmədi. Reallıq göstərir ki, onlayn medianın dövlət dəstəyinə ehtiyacı var. Bu gün ölkənin virtual sərhədlərini onlayn media qoruyur. Dövlətin onlayn mediaya öhdəliyi mümkün deyil. Lakin bu sadəcə bir təklifdir”, - deyə V.Mahirqızı bildirib.
O, daha sonra bunları deyib: "Bundan başqa, vahid kart məsələsini Mətbuat Şurası həll etməlidir. Dünyada da hər jurnalistə vahid kart verilir. Mətbuat Şurasının verəcəyi sarı kart sahibləri xüsusi olaraq seçilməlidir. Hər jurnalistə belə kartın verilməsinə ehtiyac yoxdur”.

Xəbərdən istifadə edərkən istinad etmək vacibdir.