Xəbər verdiyimiz kimi, 2-3 gündür ki, havanın kəskin dəyişməsi nəticəsində Sumqayıtın bir sıra yerlərində enerji verilməsi dayandırılıb. Bu vəziyyət hələ də davam edir.XeberLent.az informasiya agentliyinin əməkdaşının verdiyi məlumata görə, Sumqayıt şəhəri 6-cı mikrorayonunda son iki gündür axşam saatlarında mikrorayonun işığı söndürülür, bundan əziyyət çəkənlər isə yenə də sakinlərdir. Dəfələrlə Sumqayıt Rayonlararsı Elektrik Şəbəkəsinin qaynar xəttinə (018 64 21472) zəng olunsa da, dəstəyi heç kim qaldırmayıb. Əlacsız qalan sakinlər ümidi Azərenerjinin qaynar xəttində (186) axtarsalar da, bu cəhdləri də boşa çıxıb.
Bundan başqa "Birləşmiş məhəllədə", 52-ci məhəllədə, 20 və 21-ci mikrorayonlarda da bu sahədə ciddi problemlər mövcuddur.