Sumqayıt şəhər S.Vurğun adına Mərkəzi Kitabxananın uşaq şöbəsi və AYB Sumqayıt bölməsinin birgə təşkilatçılığı ilə keçirilən tədbiri giriş sözü ilə AYB Sumqayıt bölməsinin sədri Gülnarə Cəmaləddin açıb. Sonra tədbirə dəvət olunan qonaqlar: Azərbaycanın Milli Qəhrəmanı Qoxmaz Eyvazovun oğlu Asəm Eyvazov, yazıçı Hafiz İmamnəzərli, şairlər Namiq Dəlidağlı, Müqəddəs Şahbazov, Elbrus Qayalı, Sumqayıt Dövlət Rəsm Qalereyasının əməkdaşı Etibar Bənnayev çıxış edərək belə tədbirlərin keçirilməsinin əhəmiyyətindən danışıblar. Daha sonra S.Sarvan adına Uşaq Poeziya Klubunun üzvləri Zəhra Bəşirli, Ayan Ağayeva, Xoşqədəm Bağıyevanın ifasında F.Qoca, M.İlqar, N.Dəlidağlı, Ə.Veysəllinin şəhidlərə həsr olunmuş şeirləri dinlənilib.

 

Mərkəzi uşaq kitabxanasında 1 saylı orta məktəbin müəllim və şagirdlərinin iştirakı ilə "Şəhidliyin ünvanı əbədiyyətdir” adlı xatirə günü keçirilib. Tədbiri giriş sözü ilə açan kitabxananın multimedia mütəxəssisi Leyla Mahmudova Azərbaycan Ordusunun aprel döyüşlərində qazandığı qələbədən və sumqayıtlı şəhidlər: Əbdülməcid Axundov, Şulan Bayramov, Murad Məmmədovun qısa həyatı, döyüş yolu haqqında məlumat verib. Daha sonra kitabxananın oxucuları Nahid İbrahimli, Sona Salamzadə, Nəzrin Məmmədli, Kamran Hətəmli, Rüfət Şərəfxanov, Mürvət Əbilov və digərlərinin ifasında F.Qoca, X.R.Ulutürk, Ə.Veysəlli, Z.Yaqubun vətənpərvər ruhda yazilmış şeirləri dinlənilib. Daha sonra şəhidlərin valideynləri: Əbdülməcid Axundovun anası Ceyran Axundova və Murad Məmmədovun atası Vaqif Məmmədov çıxış edərək övladları ilə bağlı xatirələrini tədbir iştirakçılarıyla bölüşüblər.Tədbirdə iştirak edən aprel döyüşlərinin qazilərindən Hikmət Məmmədov və Ağaşəmi Şahgəldiyev öz döyüş xatirələrindən, aprel şəhidlərinin qəhrəmanlıqlarından bəhs ediblər. Sumqayıt şəhər MKS-nin direktoru Yeganə Əhmədova, 1saylı məktəbin "Uşaq birliyi rəhbəri” Püstə Mustafayevə çıxış edərək tədbir iştirakçılarına və təşkilatçılarına təşəkkürünü bildirib. Tədbir Həsən Həsənzadənin ifasında "Cənab leytenant” musiqisinin sədaları altında yekunlaşıb.

Qubadlı rayon Tarix- Diyarşünaslıq muzeyinin işçiləri tərəfindən Qubadlı rayon Saray kənd tam orta məktəbində keçirilən tədbirdəmuzeyin ekskursiyaçısı Ayşən Bədəlova və tarix müəllimi Səadət İbadzadə Aprel döyüşləri haqqında şagirdlərə geniş məlumat veriblər. Sonra şagirdlərin aprel döyüşləri haqqında fikirləri dinlənilib.

Nizami Gəncəvi adına Kitabxana Klubda "Vətənin hünərli,mərd oğulları” adlı Qəhrəman günü keçirilib. Kitabxananın böyük mütəxəssisi Səadət Allahverdiyeva tədbiri açaraq "Qarabağ silinməyən dərdimiz”başlıqlı daimi güşə haqqında oxuculara geniş məlumat verib. Tədbirdə Şəhidlərə həsr olunmuş videoçarx da nümayiş olunub, "Qəhrəmanlıq səlnaməsi” adlı biblioqrafiq göstəricinin təqdimatı keçirilib. Tədbirdə kitabxananın oxucuları şəhidlərə, vətənə həsr olunmuş şeirlərdən nümunələr söyləyiblər.

M.Ə.Rəsulzadə adına kitabxana filialda Vaqif İbrahim adına 29 və 35 saylı tam orta məktəb, Sumqayıt Dövlət Universiteti YAP Gənclər birliyi, Təfəkkür litseyi, 1 nömrəli Uşaq və Gənclər İnkişaf Mərkəzinin birgə təşkiltçılığı ilə Aprel döyüşlərində qəhrəmanlıqla həlak olmuş Azərbaycan Silahlı Qüvvələrinin zabiti Azərbaycan Respublikasının Prezidenti İlham Əliyevin sərəncamı ilə "Vətənə xidmətə görə" ordeni (III dərəcəli) ilə təltif edilmiş, polkovnik Vüqar Nurəddin oğlu Yusifova həsr olunmuş anım günü keçirilib. Qonaq qismində şəhidin ailəsi, MKS-in direktoru Yeganə Əhmədova, Hacı Hacıyev, tarixçi, müəllim Anar Hüseynov, "Zaman və Biz" qəzetinin baş redaktoru Sübhan Arifoğlu, şair-jurnalist Namiq Dəlidağlı, şair Sevinc Qərib iştirak ediblər. Tədbiri kitabxananın böyük kitabxanaçısı Şərəf Əliyeva açaraq şəhidin keçdiyi şərəfli həyat yolundan geniş söhbət açıb. Daha sonra şagirdlərin ifasında şəhid, polkovnik Vüqar Yusifova həsr olunmuş şeirlər, kompozisiyalar dinlənilib, video-çarx nümayiş olunub, vətənpərlik mövzusunda mahnılar səsləndirilib.

Xəbərdən istifadə edərkən istinad etmək vacibdir.