Bakıya yoltəmizləyən maşınların gətirilməsi təklif olunur.
Milli Məclisin deputatı Aydın Mirzəzadə "Report”a açıqlamasında bildirib ki, Bakıda nəqliyyatın intensiv hərəkət etdiyi yollarda təmizlik işləri üçün canlı qüvvədən istifadə etmək olmaz. Bu işin çox təhlükəli olduğuna diqqət çəkən deputat qeyd edib ki, süpürgəçilər üçün xüsusi geyimlər verilsə belə, həmin yollarda yalnız texnika işləməlidir: "Avtomobillə həmin yollardan keçərkən kənarda təmizlik işləri aparan qadınları görəndə həyəcan hissi keçirirəm. Bir nəfərin itkisi belə bizim üçün çox ağırdır. Çünki o da kiminsə anası və həyat yoldaşıdır. Bu baxımdan yollarda ancaq texnikanın istifadə edilməsini məqbul hesab edirəm”.

 

Xəbərdən istifadə edərkən istinad etmək vacibdir.