SOCAR-ın bütün idarə və müəssisələrində olduğu kimi "Azərikimya” İstehsalat Birliyində də insan amili həmişə ön planda saxlanılır, əməkçilər üçün normal və təhlükəsiz iş şəraitinin yaradılması istiqamətində xüsusi layihələr icra olunur, həmçinin fövqəladə hallar zamanı zərər çəkməmələri üçün davamlı olaraq maarifləndirici tədbirlər və şərti yanğın-taktiki təlimləri keçirilir. Belə yanğın-taktiki təlimlərdən biri də 18 aprel 2018-ci il tarixində Sumqayıt şəhərindəki Heydər Əliyev prospektində yerləşən, "Azərikimya” İstehsalat Birliyinin "Etilen-polietilen” zavodunun balansında olan "Kimyaçı” Mədəniyyət sarayında keçirilmişdir.

 

Yanğından Mühafizə Xidməti ilə obyektin mühəndis texniki heyətinin, növbədə olan işçi personalın və şəhərin müvafiq qurumlarının qarşılıqlı fəaliyyətini təkmilləşdirmək məqsədi daşıyan təlimdə ilkin olaraq Mədəniyyət sarayının rəhbərliyi şərti yanğın barədə Sumqayıt şəhər Yanğndan Mühafizə Xidmətinə və "Etilen-polietilen” zavodunun dispetçerinə məlumat vermişdir. Sonra Yanğndan Mühafizə Xidmətinin şəxsi heyətinin hadisə yerinə gəlməsinə qədər görülməsi vacib olan işlərin icrasına başlanılmış, insanların sərbəst şəkildə təxliyyə olunması üçün bütün ehtiyyat qapılarının açıq saxlanılması təmin edilmiş, mədəniyyət sarayında quraşdırılmış yanğın su nasoslarından və ilkin yanğınsöndürmə vasitələrdən istifadə etməklə baş vermiş "yanğının yayılmasının qarşısının alınması və söndürülməsi” işləri həyata keçirilmişdir.

Hadisə yerinə gələn Sumqayıt şəhər Yanğından Mühafizə Xidmətinin qüvvələri qarşılanaraq, görülmüş tədbirlər barədə məlumat verilmişdir. YMX-nin qüvvələri dərhal öz funksional vəzifələri çərçivəsində tapşırıqların icrasına başlamış, "alovun sarayın digər hissələrinə yayılmasının qarşısının alınması, sarayda təhlükəyə məruz qalmış insanların təhlükəsiz yerə təxliyə edilməsi və baş vermiş yanğının söndürülməsi” işlərini yerinə yetirmişlər.

 

Xəbərdən istifadə edərkən istinad etmək vacibdir.