Xeberle.com xəbər verir ki, mərkəzin yaradılmasının əsas məqsədi Sumqayıt şəhəri və yaxın rayonlardan olan məişət zorakılığının qurbanı olmuş uşaqların və məişət zorakılığından əziyyət çəkən uşaqlara sosial xidmətlərin göstərilməsi ilə onların reablitasıyanı həyata keçirtməkdir. Mərkəzin yaradılmasının məqsədlərindən biri də məişət zorakılığından əziyyət çəkən uşaqların ailə üzvlərinə də xidmətlərin göstərilməsi ilə ailədaxili zorakılıq riskinin aşağı salınmasıdır.

Mərkəzdə məişət zorakılığına məruz qalmış ailələrə sosial, hüquqi, pedaqoji, tibbi, psixoloji xidmətləri göstəriləcəkdir.

Mərkəzdə göstərilən hüquqi və psixoloji xidmətlər mərkəzə müraciət etmiş uşaqlardan əlavə onların valideyinlərinə (qəyyumları, himayəçiləri və digər yaxın qohumlarına) də göstəriləcəkdir. Bu vasitə ilə ailənin hüquqi və psixoloji problemləri həll olmuş olacaq və nəticədə ailədaxili problemlərin bir hissəsi azalacaq, ailənin psixoloji vəziyyəti normallaşacaqdır. Bu isə ailədaxili zorakılıq faktlarının minimuma düşməsi ilə nəticələnəcəkdir.

Mərkəzdə bu sahədə yeni mütəxəssislərin yetişdirilməsi məqsədi ilə təlimlər təşkil olunması və Mərkəzə könüllülərin (psixoloqların,sosial işçilərin,hüquqşunasların) risk qrupuna daxil olan ailələr üçün göstəriləcək yardımların icrasına cəlb edilməsi də nəzərdə tutulub.

Mərkəzdə fəaliyyət göstərən peşəkar mütəxəssislər uşaqların təhsildən kənar qalmamasını, sağlam olmalarını təmin edəcəkdirlər.

Mərkəzin ünvanı: Sumqayıt şəhəri, 1-ci mikr, bina 45B

Əlaqə nömrələri: (018) 642 48 27 (050) 680 22 22