Əziz dostlar və xaricdə yaşayan həmvətənlərimiz! Bu yüksək etimada görə cənab Prezidentə dərin təşəkkürümü bildirirəm. Mənə ünvanladığınız çoxsaylı təbrik məktubları, mesajları və zənglərə görə hər birinizə minnətdaram.
Bu sözləri Azərbaycan Respublikası Diasporla İş üzrə Dövlət Komitəsinə yeni sədr təyin olunmuş Fuad Muradov deyib. O, xaricdə yaşayan həmvətənlilərimizə də müraciət ünvanlayıb:
"Dünyanın hər bir tərəfindən aldığım təbriklərin sayı sözün yaxşı mənasında məni təəccübləndirdi. Əminəm ki, sizin hər birinizinin ürəyi doğma vətənə sevgi ilə döyünür. Xaricdə yaşayan həmvətənlərimiz ilə birlikdə dövlətimizin inkişafı, milli maraqlarımızın müdafiəsi və soydaşlarımızın dəstəklənməsi istiqamətində səmərəli əməkdaşlığa və əməli nəticələrin əldə olunacağına inanıram. Əmin olun ki, sizin heç biriniz diqqətdən kənarda qalmayacaqsınız. Bir daha hər birinizə təşəkkür edirəm”.
Qeyd edək ki, millət vəkili Fuad Muradov 21 apreldə Prezident İlham Əliyevin sərəncamı ilə Diasporla İş üzrə Dövlət Komitəsinə sədr təyin edilib.
(Axar.az)

Xəbərdən istifadə edərkən istinad etmək vacibdir.