Sumqayıtda Təmizlik Departamenti
və Yeni Azərbaycan Partiyası (YAP) Sumqayıt şəhər təşkilatının Gənclər
Birliyinin təşkilatçılığı ilə Ümummilli lider Heydər Əliyevin 95 illik yubileyinə həsr olunan tədbir keçirilib.
Təmizlik
Departamenti əməkdaşı, YAP Sumqayıt şəhər təşkilatının ərazi ilk təşkilatının
sədri Ramil Fərəcov tədbiri giriş sözü ilə açaraq ulu öndərin
mənalı ömür yolu və çoxşaxəli siyasi
fəaliyyəti haqqında məlumat verib, Heydər Əliyevin Azərbaycanda hüquqi,
demokratik və dünyəvi dövlət quruculuğu sahəsindəki misilsiz xidmətlərindən
danışıb.
Tədbirdə digər çıxış edənlər – Təmizlik
Departamentinin baş direktoru Məhəmməd Məmmədov, baş direktorun
müavini Müşfiq Quliyev, Təhlükəsizlik şöbəsinin mühəndisi Məhəmməd
Fərəcov, baş mühəndis Ramil Tağıyev, Abonent şöbəsinin rəisi Taleh Qəhrəmanov ,
YAP Sumqayıt şəhər təşkilatının Gənclər Birliyinin aktiv gənc xanımları Nigar
Vəliyeva və Ramilə Sadıqova ümummilli liderin memarı olduğu müstəqil
Azərbaycanın uğurlarını faktlarla diqqətə çatdırıblar.
Sonda
YAP Sumqayıt şəhər təşkilatının gənclərlə iş üzrə sədr müavini Elmar Xəlilov çıxış
edərək bugünkü çiçəklənən Azərbaycan Respublikasının Heydər Əliyev təfəkkürünün
məhsulu olduğunu tədbir
iştirakçılarının diqqətinə çatdırıb.
Xəbərdən istifadə edərkən istinad etmək vacibdir.
