Sumqayıtda evini kirayə verib xarici gedən şəxsin mənzili soyulub. Oğurluq hadisəsi şəhərin 76-cı məhəlləsində baş verib. Masallıda isə iki məsciddən pul oğurlayan şəxslər tutulub.
Mənzilini kirayə verib Türkiyəyə getdi, qayıdanda evin talan edildiyini gördü. Oğurluq hadisəsi Sumqayıtda baş verib.
Xeberle.com xezerxeber.az-a istinadən bildirir ki, şəhərin 76-cı məhəllə ev 16 ünvanında yaşayan Gğnay Lətifova yaşadıgı evi bir ailəyə kirayə verib Türkiyəyə yaşamaq üçün gedib. 5 ay sonra qayıtdıqda isə evindən əşyaların oğurlandığını görüb. Mənzil sahibi iddia edir ki, onun evini elə kirayə verdiyi şəxslər soyublar.
Faktla bağlı Sumqayıt şəhər Polis İdarəsində araşdırma aparılır.
Masallıda isə iki məsciddən pul oğurlayan şəxslər tutulub.Rayonun Bədəlan kənd məsçidində olan seyfdən 2300 Azərbaycan manatı, 1300 ABŞ dolları, 16 400 Rus rublunun oğurlanması barədə rayon polis şöbəsinə müraciət daxil olub. Keçirilən əməliyyat-axtarış tədbirləri nəticəsində Cəlilabad rayon sakinləri, Əli Zeynalov və Nizami Mahmudov olduqları müəyyən edilərək polis əməkdaşları tərəfindən saxlanılıb. Saxlanlan zaman oğurladıqları pulun 300 ABŞ dolları və 127 AZN-i maddi sübut kimi onlardan götürülüb. Araşdırmalar zamanı oda məlum olub ki, onlar daha bir cinayət əməlinin törətdiblər.
Hər iki faktla bağlı rayon polis şöbəsində araşdırma davam etdirilir.
Xəbərdən istifadə edərkən istinad etmək vacibdir.
