SOCAR-ın «Azərikimya»
İstehsalat Birliyinin təşkilatçılığı ilə növbəti dəfə olaraq bir sıra müəssisə,
idarə və təşkilatların komandaları- ümumilikdə 22 komanda arasında Ulu öndər
Heydər Əliyevin anadan olmasının 95-ci ildönümünə və Azərbaycan Xalq Cümhuriyyətinin
100 illiyinə həsr olunmuş "Xəmsə” adlı Breyn Rinq bilik yarışı keçirilib.
"Azərikimya”
İB-nin də təmsil olunduğu yarışlara Bakı Ali Neft Məktəbinin, SOCAR "Azneft”
İB-nin Neft və qazçıxarma İdarəsinin, YAP Sumqayıt şəhər təşkilatının, SOCAR
Karbamid zavodunun, "Socar-Polymer” MMC-nin, SOCAR-ın Təlim, Tədris və
Sertifikatlaşdırma İdarəsinin Sumqayıt Təlim-tədris mərkəzinin, FHN-nin
Sumqayıt Regional İdarəsinin, FHN-nin Akademiyasının, respublika Qızıl Aypara Cəmiyyəti
Sumqayıt şəhər bölməsinin, "N” saylı hərbi hissənin, Sumqayıt Regional Mədəniyyət
və Turizm İdarəsinin, Sumqayıt şəhər təhsil şöbəsinin, SDU-nun nəzdində fəaliyyət
göstərən Dövlət texniki kollecin, Sumqayıt şəhər Mərkəzləşdirilmiş kitabxanalar
sisteminin, Sumqayıt şəhər Gənclər evinin və digər müəssisələrin komandaları da
daxil olmaqla 22 komanda qatılıb.
Bilik
yarışması bütün komandaların xüsusi fəallığı, münsiflər heyətinin, o cümlədən
"Xəmsə” yarışları üzrə mütəxəssislərin ciddi nəzarəti altında keçirilmişdir. Ənənəvi
olaraq üç seçim və bir final mərhələsindən ibarət olmaqla dörd saata qədər
davam edən yarışmada yüksək bilik səviyyəsi, geniş dünyagörüşü və
hazırcavablıqları ilə seçilən "Azərikimya” İstehsalat Birliyinin komandası
birinci, "Socar-Polymer” MMC-nin və SOCAR-Karbamid zavodunun komandaları isə
müvafiq olaraq ikinci və üçüncü yerləri tutublar. Həmçinin "N” saylı hərbi hissənin
komandası dördüncü yerə, SDU-nun nəzdində fəaliyyət göstərən Dövlət texniki
kollecin komandası isə həvəsləndirici mükafata layiq görülüb.
«Azərikimya»
İB-nin Müşahidə Şurasının sədri İmran Arzumanzadə bilik yarışmasında mükafata
layiq yerlər tutmuş komandaların üzvlərini təbrik edib, onlara daha böyük qələbə
sevincləri arzulayıb.
Qalib
komandalara «Azərikimya» İstehsalat Birliyi Həmkarlar İttifaqı Komitəsi tərəfindən
fəxri diplomlar və mükafatlar təqdim olunub. Həmçinin Respublika Qızıl Aypara Cəmiyyəti
Sumqayıt şəhər bölməsinin komandası 4 fəal komanda arasında keçirilən şans mərhələsində
qalib gəldiyinə görə mükafatlandırılıb.
Xəbərdən istifadə edərkən istinad etmək vacibdir.