Fövqəladə Hallar Nazirliyi Bakı-Sumqayıt magistral avtomobil yolunun 29-cu kilometrliyində döyüş sursatlarının aşkarlanması ilə bağlı məlumat yayıb.
Xeberle.com-un FHN-in saytına istinadən verdiyi xəbərə görə, dərhal nazirliyin müvafiq qurumlarının mütəxəssisləri və xilasediciləri lazımi tədbirlərin görülməsi üçün hadisə yerinə cəlb ediliblər. Nazirliyin mütəxəssisləri aşkarlanmış sursatlara baxış keçiriblər. Müəyyən olunub ki, bunlar 130 ədəd RQ-16 mərmisinin buraxılış qurğusu, 1 ədəd 122 mm və 1 ədəd 80 mm çaplı top mərmisidir.
Aşkarlanmış sursatlar xilasedicilər tərəfindən aidiyyəti üzrə təhvil verilib. Mütəxəssislər tərəfindən əraziyə təkrar baxış keçirilib, digər partlayış təhlükəli silah və sursat aşkar edilməyib.
Xəbərdən istifadə edərkən istinad etmək vacibdir.
