Azərbaycan Respublikasının Prezidenti İlham Əliyevin bu gün Bakı Metropoliteninin "Sahil” stansiyasının açılışını etməsi, stansiyanın fəaliyyətə başlaması ictimaiyyətdə məmnunluqla qarşılanıb.
"Sahil” stansiyasının açılışından paylaşılan fotoda diqqətçəkən detallardan biri də divarlardakı bannerlərə yazılmış hikmətli kəlamlardır.
Sosial şəbəkə istifadəçiləri stansiyanın divarlarında Həzrət Əlinin "Övladlarınızı dövrünüz üçün deyil, onların dövrü üçün yetişdirin” və görkəmli filosof, astronom Nəsrəddin Tusinin "Uşağa gözəl ad qoymaq lazımdır ki, həyat boyu xəcalət çəkməsin” aforizmlərinə yer verilməsini təqdir ediblər. Onlar bu cür maarifləndirici bannerlərin olmasını yüksək qiymətləndiriblər.
Qeyd edək ki, bu gün Azərbaycan Respublikasının Prezidenti İlham Əliyev Bakı Metropoliteninin "Sahil” stansiyasının əsaslı təmir və yenidənqurmadan sonra açılışını edib. Stansiya 2017-ci ilin avqustunda təmir işləri ilə əlaqədar bağlanmışdı. (Kult.az)
Xəbərdən istifadə edərkən istinad etmək vacibdir.