Bakı-Sumqayıt yolunda rənglənmə işləri aparılacaq.
Xeberle.com Azərbaycan Avtomobil Yolları Dövlət Agentliyindən Apa-Economics-ə verilən məlumata istinadən xəbər verir ki, avtonəqliyyat vasitələrinin təhlükəsiz hərəkətinin tənzimlənməsi məqsədi ilə Bakı-Sumqayıt yolu, Xırdalan dairəsindən Şamaxinka dairəsinə kimi bu gecə saat 23:00-dan səhər saatlarınadək üfiqi nişanlanma xətlərinin rənglənməsi işləri aparılacaq.
"Sürücülərdən sözügedən istiqamətdə hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur”, deyə məlumatda bildirilir.
Xəbərdən istifadə edərkən istinad etmək vacibdir.