Sumqayıt şəhər İcra Hakimiyyəti, YAP
Sumqayıt şəhər təşkilatı və şəhər Ağsaqqallar Şurasının təşkilatçılığı ilə
"Sumqayıt doğma evimizdir, onu daha da müasir şəhərə çevirmək hər birimizin
borcudur” mövzusunda silsilə tədbirlər davam edir.
Bu dəfəki tədbir "Azərikimya” İstehsalat Birliyinin konfrans
zalında keçirilib. Mövzu ilə bağlı
müzakirələr aparılıb, qarşıya qoyulmuş məsələlərlə
bağlı təklif və tövsiyələr səsləndirilib.
Çıxışlarda bildirilib ki, Prezident
İlham Əliyevin regionların sosial-iqtisadi inkişafına, abadlıq-quruculuq işlərinin
aparılmasına göstərdiyi qayğı sayəsində Sumqayıtda davamlı olaraq infrastruktur
və sosial layihələr icra edilir. Yollar təmir olunur, binaların dam örtüyü dəyişdirilir,
fasadları müasir üslubda üzlənir, giriş qapıları təmir edilir, mərkəzi küçələr əsaslı
şəkildə yenidən qurulur.
Qeyd olunub ki, sənaye potensialı güclənməklə yanaşı geniş
miqyaslı infrastruktur və sosial layihələr şəhərin simasını müasirləşdirməklə əhalinin
həyatına da rahatlıq gətirir.
Vurğulanıb ki, Sumqayıt gündən-günə
yaşıllığa qərq olur. Şəhər ölkəmizin sənaye mərkələrindən biri olmaqla yanaşı həm
də müasir infrastrukturu, böyük turizm potensialı olan bir şəhərdir.
Sumqayıtlılar bu gözəlləşən şəhərləri
ilə fəxr etməkdə haqlıdırlar.
Xəbərdən istifadə edərkən istinad etmək vacibdir.
