Şəhid Mübariz İbrahimovun anası Şamama xanım dünyasını dəyişməsi barədə xəbər təsdiqlənməyib.
Bu barədə Xeberle.com Axar.az-a istinadən bildirir ki, Biləsuvar İcra Hakimiyyətindən məlumat verilib. İcra Hakimiyyətindən bildirilib ki, xəbər sosial şəbəkələrdə yayılan kimi milli qəhrəmanımızın ailəsinin evinə nümayəndə göndərilib:
"Yerli bələdiyyə ilə də əlaqə saxladıq. Ancaq Şamama xanımla bağlı xəbər təsdiqlənmədi".
Əliabad kənd icra nümayəndəsi Telman Əliyev də saytımıza açıqlamasında bildirib ki, Şamama xanımın səhhəti normaldır və heç bir problem yoxdur:
"Şamama xanım ailə işlərini də özü görür. Yəni səhhəti ilə bağlı qəti narahatlıq yoxdur".
Qeyd edək ki, sosial şəbəkələrdə Milli Qəhrəman Mübariz İbrahimovun anasının vəfatı barədə xəbər yayılmışdı.
Xəbərdən istifadə edərkən istinad etmək vacibdir.
