Bildiyiniz kimi, Sumqayıtda bir sıra yerlərdə işıqforlar yeniləndi və piyadaların həyatı üçün təhlükə yaradan avtomobil yollarına işıqforlar quraşdırıldı. Misal üçün, Heydər Parkı ilə 5-ci mkr. arasındakı ikitərəfli yolda. Sumqayıtda küçə və yollardakı yeniliklər bununla bitməyəcək; 

Sumqayıt sakinlərinə pozitiv bir xəbərimiz var. Belə ki, yaxın gələcəkdə Sumqayıtda yeraltı keçid inşa olunacaq. Yeraltı piyada keçidinin inşa olunacağı yerə gəlincə isə bu, Sumqayıt Mədəniyyət Mərkəzi ilə (keçmiş “Kimyaçılar” sarayı) Heydər Əliyev parkının arasında tikiləcək. 

Şəhərin ən böyük meydanından parka doğru hərəkət edən sakinlər digər tərəfə keçmək üçün yeraltı piyada keçidindən istifadə edəcəklər. Yeraltı piyada keçidinin nə vaxt inşa olunacağı tarix isə hələ ki, dəqiq məlum deyil. Amma deyilənə görə, yaz aylarından işə başlanılacaq.

xeberle.com