Bu gün  “Azərikimya” İstehsalat Birliyinin akt zalında istehsalatda fərqlənən bir qrup kimyaçının təltif olunması münasibətilə tədbir keçirilib.  Tədbiri giriş sözü ilə “Azərikimya” İstehsalat Birliyinin Həmkarlar İttifaqı Komitəsinin sədri Vaqif Ömərov açaraq, kimyaçılara yaradılmış normal və təhlükəsiz iş şəraitindən, onlara göstərilən diqqət və qayğıdan danışıb. Birliyin Baş mühəndisi, İcraşı direktorun birinci müavini Firudin Mustafayev yola saldığımız 2013-cü ildə görülmüş işlərdən, “Sənaye ili” elan edilmiş 2014-cü ildə reallaşdırılması nəzərdə tutulan layihələrdən və qarşıda duran vəzifələdən söhbət açıb.

“Azərikimya” İstehsalat Birliyinin rəhbərliyi əmək göstəricilərinə görə fərqlənən bir qrup işçini – Etilen-polietilen zavodunun su təchizatı, susoyutma və kanalizasiya cexinin təmirçi-cilingərləri Soltan Zülfüqarovu, Elbrus Hüseynovu, Surxay Məmmədovu, həmin zavodun texnoloji avadanlıqların təmiri sexinin işçisi Bəhrəm Qasımovu, Birliyin Təmir Tikinti idarəsinin 2 Saylı Mexaniki-quraşdırma sexinin əməkçiləri Natiq Məmmədovu, Elşad Əliyevi, Mehman Rəsulovu, Telman Sehranovu, həmçinin Nəqliyyat və Xüsusi texnika İdarəsinin ekskvator sürücüsü Həsənağa Məmmədovu Fəxri diplom və pul mükafatları ilə təltif edilib, onlara fəaliyyətlərində uğurlar arzulayıb.