Azərbaycanda bir müddət əvvəl 20 qəpiyə kimi bahalaşan bəzi siqaret markaları yenidən ucuzlaşıb.
Modern.az saytının apardığı araşdırmalar zamanı məlum olub ki, fevralın 9-dan etibarən Rusiya istehsalı olan və Azərbaycana idxal edilən siqaretlər 40 qəpik ucuzlaşıb.
Bəzi ekspertlər isə hesab edir ki, qiymətində ucuzlaşma baş verən siqaretlər keyfiyyətsiz siqaretlərdir. Onların sözlərinə görə, həmin növ tütün məhsulları az satıldığından şirkət qiyməti aşağı salmaqla bu siqaret növlərinin satışını stimullaşdırmaq istəyirlər.
Məsələn, Rusiya istehsalı olan “Vest” siqaretləri dünəndək Bakı dükanlarında 1 manat 40 qəpiyə satılırdısa, bu gündən 80 qəpik olub.
Xəbərdən istifadə edərkən istinad etmək vacibdir.
