Qarabağ qazisi Malik Məcidovun intihara cəhd etməsi olayının
təfərrüatlarını çatdırmaqda davam edirik.
Məsələylə əlaqədar Sumqayıt şəhər Təcili
Tibbi Yardım Xəsətəxanasına zəng vurduq. Öncə növbətçi bölmədən Xeberle.com-a
ümumiyyətlə belə bir adda xəstənin daxil olması haqda məlumatlarının
olmadıqlarını bildirdilər.
Ardınca Sumqayıt şəhər Təcili Tibbi Yardım Xəsətəxanasının
baş həkiminin müavini Elçin həkimlə əlaqə saxladıq. Həkimin söylədiyinə görə hazırda Malik Məcidov adlə xəstə
onlarda müalicə alır və durumu normaldır. "Bəli, dünən axşam saatlarında
Malik Məcidov adlı xəstə gətirilib. Hazırda durumu normaldır. Xəstə 1-2-ci dərəcəli
yanıq xəsarəti alıb. Amma yanıq kimyəvidir, çünki üstünə benzin tökdüyü üçün həmin
maye onun dərisini yandırıb, fəsadlar törədib”, - deyə həkim bildirib.
Xəbərdən istifadə edərkən istinad etmək vacibdir.
