Bu günlərdə Azərbaycan qonaq gələn Şimali Kıbrıs Türk Cümhuriyyətinin şəhid ailələri və Malül Qazilər Cəmiyyətinin üzvləri ilə Azərbaycan Vətən Müharibəsi Veteranları Birliyinin (AVMVB) Səbail rayon Təşkilatında Azərbaycanlı qazilərlə görüşüblər.
Avropa.info xəbər verir ki, görüşdən öncə hər iki ölkənin qazilər Azərbaycanın bütövlüyü uğrunda canlarından keçən igidlərimizin uyuduğu Şəhidlər Xiyabanını və Türk şəhidliyini ziyarət ediblər. Hər iki abidə önünə AVMVB və Kıbrıs qaziləri adından xatirə əlaməti olaraq əklillər qoyublar.
Qonaqlar Azərbaycana baş tutan səfərlərindən məmnun olduqlarını və Azərbaycan xalqının Kıbrıs məsələsində tutduğu mövqeyindən razılıqlarını çatdırıblar.
Azərbaycan Vətən Müharibəsi Veteranları Birliyi (AVMVB) sədri Füzuli Rzayevquliyev belə görüşlərin keçirilməsinin faydasından danışıb və qarşılıqlı səfərlərin müntəzəm təşkil olunmasının,Türk dünyası üçün əlamətdar hadisə olduğunu söyləyib.
Prezident Administrasiyasının rəsmisi Rasim Mirzəyev Qarabağ savaşı və Quzey Kıbrıs mücadiləsi barədə tarixi nəzər salaraq, bu görüşlərin türklük adına əhəmiyyətindən danışıb.
Birliyin Səbail rayon üzrə sədri İlham Əliyev Qarabağ savaşından və Türk dünyasının həmrəyliyinin vacibliyinə toxunub. Bu məsələdə birgə addım atılmasının önəmini diqqətə çəkib.
Azərbaycan Vətən Müharibəsi Veteranları Birliyi (AVMVB) Sumqayıt şəhər Təşkilatı və QHT-lərin Sumqayıt şəhər Koordinasiya Mərkəzinin sədri, Qarabağ qazisi Mübariz Quliyev qonaqları salamladıqdan sonra, Şimali Kipr Türk Cümhuriyyətinin azadlığı və müstəqilliyi uğrunda minlərlə türk insanın şəhid olduğunu qeyd edərək, bütün şəhidlərimizə Allahdan rəhmət diləyib. O, həmçinin Kuzey Kıbrıs Türk Cümhuriyyətinə səfəri zamanı görüş iştirakçıları ilə xatirələrini bölüşərək, Quzey Kıbrısın banisi, Türk dünyasının fəxri mərhum Rauf Denktaşla unudulmaz görüşündən bəhs edib.
Qazi bu gün Türk Kıbrısın Azərbaycan üçün xüsusi önəm kəsb etdiyini və Türk dünyasının birliyi və bütünlüyü uğrunda sistemli və böyük işlərin aparıldığını getdiyini çatdırıb.
Tədbirin sonunda veteranlar hədiyyələr təqdim edərək xatirə şəkili çəkdiriblər.
Xəbərdən istifadə edərkən istinad etmək vacibdir.
