Bəsdir, ay dığa, torpağımda at oynatdın doymadın, indi də havamda meydan açmaq istəyirsən. Sən öləsən. Bax belə yerdə deyib ağsaqqal atalarımız " çox yüksəkdən uçma , qanadını sındırarlar” . Nəinki yüksəkdən, mənim torpağımda alçaqdan belə uçma! Deyəsən, susduqca elə bildin dilimiz - ağzımız yoxdur. Belə yedə atalarımızın digər məsəli gəlib düşmək istəyir sətirlərin arasına. Heyf ki, biədəb səslənir. Atalarımız da məsəlləri həmişə mədəni çəkməyiblər. Zatən , bu əclaflara da mədəni söz yaraşmır. Neynəyək e, atalarımız, babalarımız həmişə hər şeyi düz etməyiblər ki. Məsələn, guya qonaqpərvər olublar. Əcəb səhv ediblər.. Evimizə gələn qonağı ən yaxşı otağımızın, ən yaxşı çarpayısının, ən yaxşı yorğan döşəyində yatırdığımız kimi vətənimizin də ən yaxşı təbiətə malik torpaqlarında dura-dura a dam tapmayıblar , çörəyi dizinin üstündə olan ermənilərə yer veriblər. bax deyəsən, bu məsəli də yerində çəkiblər. "Qoy ayağıma yer eləyim , gör sənə nə eləyirəm”. Ayaqlarına yer edib bizi sıxışdıran əclaflar indi də hələ azmış kimi deyirlər vapşe siz kimsiz e, bu torpaqlar Karapedlərin, Aykanuşların ulu əcdadından qalıb. Nəisə, tarix açmaq deyil məqsədim. Uzun uzadı da yazmaq fikrində deyiləm. Deyəsən axı burada da yerinə düşən kəlamı var atalarımızın. "Az olsun , saz olsun” Əlqərəs, 10 il bundan əvvəl Goranboy rayonunun yaşıl dağların ətəyində yerləşən Ağcakənd qəsəbəsində yolun kənarında parçalanmış helikopter qalığı var idi. Uzun müddət orada qaldı. Sonralar gedəndə artıq onu götürmüşdülər. O ərazidən hər keçəndə anam ermənilərə lənət oxuyurdu. Balaca uşaq idim. Balaca ürəyim parça – parça olurdu o dağılmış helikopter qalığını görəndə. Uşaqlıq xatirələrimdə silinməz olaraq məskən salıb o dəmir parçası və ondan bir az aralıdaca dağıdılıb az- para hissəsi qalmış təndir qırıqları.

Bu gün xəbər tutanda ki, silahlı qüvvələrimiz tərəfindən "üzdəniraqlar”ın hərbi helikopteri eləcə də, Füzuli rayonu ərazisində təmas xəttində "üzdəniraqlar”ın bir hərbi maşını vurulub " oh olsun ” dedim. əllərinə sağlıq İlkin Muradov. Güllənə sağlıq "İstiqlal” snayperi.

İndi aləm qarışacaq. Politoloqlar, ekspertlər hərə mikrafon qarşısına keçib bir fikir yürüdəcək. İsrailli ekspert Arye Qut onu düz vurğuladın ki, "Artıq Azərbaycan xalqının səbri tükənib”. Ay balam bəsdi də, millətdə abır olar, həya olar. Gəl tök daşı ətəyindən. Bizim səbrimiz də bir yerə qədərdi. Qısası ay dığa əl çək torpaqlarımızdan, get öz qazanında öz qaşığını qarışdır. Nə torpağımızı, nə yeməklərimizi, nə də mahnılarımızı sənə bağışlayan deyilik.

Nəsibə Nəsibqizi
(baymedia.az)