Son vaxtlar havaların soyuq keçməsi Sumqayıt şəhərində istilik sistemlərini noyabr ayının 12-dən etibarən işə salınmasına zərurət yaradıb.Nəzərdə tutulmuş bınalara istiliyin tam verildiyi bildirilsə də şəhər sakinləri bununla razılaşmır.İstilik sisteminin bir həftə əvvəl işə düşdüyü bildirilsə də onlar qızına bilmədiklərini bildirir. Sumqayıtda mərkəzi istilik sistemi Noyabr ayının 12-dən etibarən işə salınıb. Ancaq həmin gündən sonra bəzi binalarda çatışmazlıqlar ortaya çıxıb.Ya istilik lazım olan səviyyədə deyil, ya da borular nasazdır."Azəriistiliktəchizat" Sumqayıt şəhər idarəsi isə vəziyyətə görə sakinləri günahlandırır.

"Azəriistiliktəchizat"ın Sumqayıt şəhər idarəsinin rəisi Aftandil Nuriyev digər səbəb kimi qaz və işığın fasilələrlə verilməsini göstərir.Qaz istismar sahəsindən bildirilib ki, bu həm tikinti işləri ilə, həm də suyuq havalarla əlaqədar tənzimləmə işləri aparılır. İşlər başa çatandan sonra problem yaşanmayacaq.Sakinləri narahat edən digər məsələ isə problemin məhz soyuq günlərdə həll olunmağa çalışılmasıdır.Onlar bildirir ki, problemlə qaza və işığa, mərkəzi istilik sisteminə ehtiyac duyulmayan aylarda maraqlanmaq olardı.(xezerxeber.com)