"Azəriqaz" İstehsalat Birliyi mütəmadi olaraq qazdan qanunsuz istifadə halları ilə bağlı araşdırmalarını davam etdirir. Əksər hallarda da bu cür faktlar qazdan normal istifadə edib, qanunsuz iş görənlərin əməllərindən əziyyət çəkən abonentlərin müraciətləri əsasında aşkarlanır.
Qurumdan Xeberle.com-a verilən məlumata görə, aprelin 9-da aparılan reyd zamanı sayğacı olmadan, abonent kimi qeydiyyata düşmədən qazdan istifadə edən fərdi yaşayış evi üzə çıxıb. Belə ki, Sumqayıt şəhəri 52-ci məhəllədə vətəndaş qaz xəttinin dirəyinin içərisi ilə əlavə qoşma edərək uzaq məsafədə yerləşən evinə həyətlərin içərisi ilə qaz xətti aparıb və qanunsuz şəkildə ondan istifadə edib.
Xəbərdən istifadə edərkən istinad etmək vacibdir.
