Sumqayıtın millət vəkili Leyla Abdullayeva Abşeron rayonunda Yeni Azərbaycan Partiyasının Bələdiyyə üzvlüyünə namizədliyini irəli sürmüş qadın namizədlərlə görüşüb. YAP Abşeron rayon təşkilatının sədri Bilman Vəliyev Bələdiyyə seçkilərində qadınların təmsil olunmasına dair statistik məlumatları tədbir iştirakçılarının diqqətinə çatdırıb. Millət vəkili Leyla Abdullayeva isə çıxışında bələdiyyələrdə qadınların təmsil olunma sayının artırılmasının vacibliyini vurğulayıb.
Sonra Bələdiyyə üzvlüyünə namizədliyini irəli sürmüş qadınlar, rayonun fəal qadınları çıxış ediblər. Çıxışçılar Azərbaycan qadınını layiqincə təmsil edəcəklərinə əminliklərini ifadə ediblər. Sosial problemlərin həllində səylə çalışacaqlarını və etimadı doğruldacaqlarını qeyd ediblər.
YAP Abşeron rayon təşkilatının Qadınlar Şurasının sədri Təyyibə Hüseynova isə çıxışında namizədlərə uğurlar arzu edib. (absheronxeber.az)
Xeberle.com
Xəbərdən istifadə edərkən istinad etmək vacibdir.
