"Prezident İlham Əliyevin yanında su təsərrüfatının vəziyyətinə həsr olunmuş videoformatda müşavirədə su təminatında olan problemlər ilə yanaşı gələcəkdə həyata keçirilməli işlər də müzakirə olundu".
Bunu açıqlamasında deputat Vüqar Bayramov deyib.
Onun sözlərinə görə, su təsərrüfatındakı problemlər kənd təsərüffatına və bütövlükdə iqtisadiyyata mənfi təsir edir.
Deputat problemlərin aradan qaldırılması üçün nələrin edilməsinə ehtiyac olduğunu sadalayıb və təkliflər irəli sürüb:
- Müşavirədə qeyd olunduğu kimi dövlət qurumları arasında koordinasiyanın zəif olması su təsərrüfatındakı problemlərin əsas səbəblərindən biri olduğu üçün bu sahədə struktur və institutsional islahatların aparılması məqsədəuyğundur. Beyin mərkəzi olaraq İqtisadi və Sosial İnkişaf Mərkəzi (CESD) 2012-ci ildə hazırladığı struktur islahatları paketində bu sahədə də struktur islahatların aparılmasını təklif edib. Bütövlükdə, struktur ishlahatları sistemli və təmərküzləşmiş koordinasiyaya imkan yarada bilər;
- İtkilərin qaşısının alınmsı üçün infrastrukturun daha da inkişaf etdirilməsi ilə yanaşı bu sahədə nəzarətin gücləndirilməsinə ehtiyac var. Ölkə üzrə infrastruktur inkişaf etsə də, sahəvi infrastrukturun genişləndirilməsi vacibdir. Müşavirədə qeyd olunduğu kimi, su itkəsi əksər hallarda 40 faizdən çoxdur. Bu kifayət qədər böyük rəqəmdir. İtkilərin azaldılması eyni zamanda su ehtiyatlarının artmasına səbəb ola bilər;
- Yeni daxili su mənbələrinin tapılması üçün bu sahədə elmi tədqiqatların genişləndirilməsi vacibdir. Məhz tədqiqatlar nəticəsində əsasən xarici su mənbələr hesabına istehlakı ödənilən ölkəmizdə su problemini mərhələli şəkildə aradan qaldırmaq olar;
"Prezident İlham Əliyevin yanında su təsərrüfatının vəziyyətinə həsr olunmuş videoformatda müşavirədə su təminatında olan problemlər ilə yanaşı gələcəkdə həyata keçirilməli işlər də müzakirə olundu". (Azvision.az )
Xəbərdən istifadə edərkən istinad etmək vacibdir.
