Qəbələnin Zərgərli kəndində keçirilən toy mərasimindən sonra zəhərlənmə ilə bağlı Mərkəzi Rayon Xəstəxanasına müraciət edənlərin sayı 89 nəfər olub.
Bu barədə Səhiyyə Nazirliyindən məlumat verilib. Bildirilib ki, müraciət edənlərdən 19-u qadın, 8-i uşaq, qalanları kişilərdir.
"Zəhərlənmə etimalı ilə müraciət edənlərin hamısına Qəbələ Rayon Mərkəzi Xəstəxanasında lazımi yardım edilib. Gecə saat iki üçün xəstəxanada 6 nəfər olub. Səhərə yaxın onlardan 4-ü evə buraxılıb. Səhər saat 11-də 1 nəfər xəstəxanada qalıb. Həmin şəxs 2004-cü il təvəllüdlü Bayram Bilal oğlu Əsgərovdur. Baş vermiş hadisə barədə hüquq-mühafizə orqanları və Qida Təhlükəsizliyi Agentliyi məlumatlandırılıb. Xəstəxana gücləndirilmiş rejimdə işləyir".
Xəbərdən istifadə edərkən istinad etmək vacibdir.
