"Elektron xidmətlərin təşkili zamanı bir çox problemlərlə üzləşirik. Bunlardan biri də "Elektron imza” və "Elektron sənəd”lərin tətbiq edilməsi ilə bağlıdır”. 

Bunu Vətəndaşlara Xidmət və Sosial İnnovasiyalar üzrə Dövlət Agentliyinin (ASAN Xidmət) Sosial innovasiyalar və strateji araşdırmalar şöbəsinin baş məsləhətçisi Ulduzə Xəlilova söyləyib.

Baş məsləhətçi, bu xidmətin təşkili zamanı müəyyən çatışmamazlıqların və problemlərin müşahidə olunduğunu deyib: "Əsasən də "Elektron imza”dan istifadə səviyyəsi qənaətbəxş deyil. Bu xidmətin nəticəsinin və "Elektron sənəd” anlayışının vətəndaşa təqdim edilməsinin kütləvi hal kimi dəyərləndirmək mümkün deyil. Bu sahədə bir çox işlər görülməlidir. Bu sahə vacib olduğu üçün "Elektron İmza”dan istifadə etmədən, yekun nəticəni vətəndaşa elektron formada təqdim etmədən xidmətlərin tam elektronlaşdırılması haqqında danışmaq hələ tezdir”.

U.Xəlilova, bu sahədə müsbət məqamların da olduğunu da vurğulayıb: "Hazırda bu sahə dövlət rəhbərinin diqqətində olduğu üçün ciddi dəstək göstərilməkdədir”. (salamnews.org)