İclasın yekununda Xeberle.com informasiya portalı Mətbuat Şurasına üzv qəbul olunub. Qurumun İdarə Heyətinin üzvləri yekdilliklə saytın Şuraya qəbul edilməsinə səs veriblər və bununla bağlı qərar qəbul edilib.

Qeyd edək ki, Azərbaycanın ən böyük regional informasiya saytı hesab olunan Xeberle.com xəbər portalı üç jurnalist - Ramil Zeynallı, Elnur Ağayev və Kamal Almuradlı tərəfindən 2012-ci ildə Sumqayıt şəhərində yaradılıb. Əsas məqsədi  şəhərin ictimai, siyasi, sosial və mədəni həyatda baş verən hadisə və yenilikləri, aktual problemləri təqdim etməkdən ibarət olan portal ölkədə, regionda və dünyada baş verən ən mühüm xəbərlərə yer ayırır. Təsadüfi deyildir ki, portal yaradıldığı vaxtdan az bir müddət nəinki Sumqayıtda çevik, dəqiq və etibarlı informasiya mənbəyi kimi özünü təsdiqləyə bilib, habelə ölkənin media həyatında mühüm yer tutmağa başlayıb.