«Azərikimya» İstehsalat Birliyinin Etilen-polietilen zavodunda 1 mart - Ümumdünya Mülki Müdafiə günü münasibətilə tədbir keçirilib.

Müəssisənin Mülki müdafiə qərargahına daxil olan xilasetmə və yanğından mühafizə dəstələrinin, kimya-radiasiya müşahidə postunun, ilkin tibbi yardım və sanitar mən-tə-qələrinin, rabitə, sığınacaq və daldalanacaq xidmətlərinin, qəza-bərpa manqasının, su və kanalizasiya sistemlərinə nəzarət briqadasının, fərdi mühafizə vasitələrinin paylanma məntə-qəsinin, həmçinin nəqliyat və xüsusi texnika bölməsinin hazırlıq vəziyyəti yoxlanılmış, fövqəladə hallar zamanı onların görəcəkləri işlər barədə hesabatları, rəy və təklifləri dinlənilib.

Qeyd olunub ki, BMT Baş Məclisinin qərarı ilə 1972-ci ildən etibarən hər il martın 1-i Ümumdünya Mülki Müdafiə günü kimi qeyd edilir.

 Hazırda dünyanın 100-dən artıq ölkəsinin daxil olduğu bu nüfuzlu beynəlxalq təşkilata Azərbaycan 1993-cü ildən üzv olmuşdur. 1995-ci ildən etibarən Ümumdünya Mülki Müdafiə gü-nü hər il konkret bir mövzuya həsr olunur və buna uyğun olaraq müvafiq kütləvi tədbirlər təşkil edilir. 

Bu ilin mövzusu «Mülki Müdafiə və təhlükəsiz cəmiyyət üçün fövqəladə hadisələrin qarşısının alınması mədəniyyəti» qəbul edilib

Baş verə biləcək hər hansı bir kütləvi təhlükə zamanı əhalinin xəbərdar edilməsi, onlara fərdi mühafizə vasitələrinin paylanması və təhlükəsiz sığınacaqlarda yerləşdirilməsi Mülki Mü-dafiənin başlıca vəzifəsi kimi dəyərləndirilən tədbirdə «Azərikimya» İstehsalat Birliyinin və Sumqayıt şəhər Mülki Müdafiə Qərargahının rəsmi nümayəndələri iştirak edibər. 

Təlim-məşq xarakteri daşıyan tədbirdə müəssisənin mülki müdafiə dəstələrinin üzvləri təbii fəlakətlər, istehsalat qəzaları və fövqəladə halların nəticələrinin aradan qaldırılması ilə əlaqədar özlərinin yerinə yetirməli olduqları işləri, bu sahədə əldə etdikləri vərdişləri nümayiş etdiriblər.