Sumqayıt şəhər Gənclər və İdman Baş İdarəsi, Sumqayıt "ASAN Xidmət” Mərkəzi və Yeni Azərbaycan Partiyası (YAP) şəhər təşkilatının təşkilatçılığı ilə YAP şəhər təşkilatının binasında "Karyera planlaşdırılması” mövzusunda təlim keçirilib. Təlimdə Sumqayıt "ASAN Xidmət” Mərkəzinin könüllüləri, Sumqayıt Dövlət Universiteti Tələbə Elmi Cəmiyyətinin və "Ritorika Universal Klubu”nun nümayəndəsi olan tələbə gənclər dinləyici qismində iştirak ediblər.

Təlimin açılış mərasimində Gənclər və İdman Baş İdarəsi Gənclərlə iş sektorunun müdiri Rüstəm Sadıqzadə, ”ASAN könüllüləri Gənclər Təşkilatı” İctimai Birliyinin İdarə Heyətinin üzvü Rəşad Məmmədov, Sumqayıt şəhər Bələdiyyəsinin üzvü, YAP şəhər təşkilatı Aparatının təlimatçısı Elbrus Səlimov çıxış edərək tədbirin gənclər üçün əhəmiyyətindən danışıblar. Çıxışlarda dövlətin gənclərə diqqət və qayğısından bəhs edilib, bir neçə gün öncə prezident İlham Əliyevin şəxsi iştirakı və xeyir-duası ilə Sumqayıtda Gənclər Evinin açılışı təqdirəlayiq hal kimi diqqətə çatdırılıb. Eyni zamanda, dövlət başçısına minnətdarlıq ifadə edilib.
Sonra gənclər təlimçilər Gülşən Cumayevanın və Kənan Bağırovun "Karyera planlaşdırılması” mövzusunda çıxışları dinlənilib.
Təlim diskussiya şəraitində başa çatıb.

Xeberle.com