Sumqayıt şəhər avtovağzalının müdiri Şamil Abbasov Xeberle.com-a açıqlamasında 24 istiqamət üzrə 24 avtobusun xəttə buraxıldığını bildirib. Ş. Abbasov avtovağzalda sərnişinlərin az olduğunu deyib. Onun sözlərinə görə, regionlar üzrə işləyən avtobuslardan 3-ü hərəsində 2 sərnişin olmaqla yola düşüb. Sumqayıt-Bakı istiqaməti üzrə işləyən avtobuslarda da sərnişin azlığı yaşanır. Avtovağzal müdiri şəhərin müxtəlif yerlərindən qanunsuz yollarla sərnişin daşıyan mikravtobusların onların fəaliyyətinə mənfi təsir etdiyini vurğulayıb. O, bununla bağlı müvafiq qurumların tədbirlər həyata keçirəcəyini də sözlərinə əlavə edib.

Xədicə Səxavətqızı