Sumqayıtda 12 Avqust Beynəlxalq Gənclər Gününə həsr olunmuş "Poliqon” strateji intellekt oyunu keçirildi
04 avqust 2021-ci il tarixində Sumqayıt şəhər Gənclər və İdman Baş İdarəsi, Gənclərin İnkişaf və Karyera Mərkəzinin şəhər nümayəndəliyinin birgə təşkilatçılığı ilə mövcud pandemiya qaydalarına uyğun olaraq 12 Avqust Beynəlxalq Gənclər Gününə həsr olunmuş "Poliqon” strateji intellekt oyunu keçirilmişdir.
İntellektual oyunun keçirilməsində məqsəd Azərbaycan Gəncliyi 2017-2021-ci illərdə Dövlət Proqramından irəli gələn məsələlərin həlli, gənclər arasında xalqımızın tarixini, mədəniyyətini, milli-mənəvi dəyərlərini təbliğ etmək, onlara hərbi-vətənpərvərlik tərbiyəsinin aşılanması və asudə vaxtlarının səmərəli təşkilindən ibarətdir.
Yarışda şəhərin müxtəlif sahələrini təmsil edən gənclər təşkilatlarından ibarət 6 komanda iştirak etmişdir.
Gərgin və maraqlı keçən yarışmanın sonunda Qızıl Aypara Cəmiyyətinin Sumqayıt bölməsi, Sumqayıt Könüllü Cəmiyyəti və Sumqayıt Gənclər Klubunun komandaları müvafiq olaraq I, II, III yerlərə layiq görülmüşlər.
Qalib komandalara Baş İdarənin, Sumqayıt Gənclərinin İnkişaf və Karyera Mərkəzinin kubok, diplom, medal və hədiyyələri təqdim edilmişdir.
Xəbərdən istifadə edərkən istinad etmək vacibdir.
