Xeberle.comxəbər verir ki, bu gün Milli Məclisin deputatları Müşfiq Məmmədli və Razi Nurullayev 44 günlük Vətən müharibəsində qazi olmuş Əliyev Cahangir Gülbala oğlunu ziyarət ediblər.

Qeyd olunub ki, 21 yaşlı qazi Mərkəzi Kliniki Hospitalda müalicə aldıqdan sonra Heydər Əliyev Fondunun dəstəyi ilə Türkiyə Cümhuriyyətində əməliyyat olunub, müalicə aldıqdan sonra vətənə dönüb. Sağlamlığında ciddi irəliləyişin olduğu vurğulanıb. Deputatlar qazinin valideyni ilə söhbətlərində lazımi addımlar atılması üçün əllərindən gələni etməyə hazır olduqlarını bildiriblər.