Milli Məclisin deputatları Hicran Hüseynova və Emin Hacıyevin YAP Sumqayıt şəhər təşkilatının inzibati binasında "Tiamo kids” Dahi Uşaqlar Mərkəzinin şagirdləri ilə görüşü keçirilib. Tədbirdə çıxış edən mərkəzin direktoru İradə Xəlilova təhsil müəssisəsinin fəaliyyəti, xidmətləri, iştirak etdiyi yarışlar və əldə etdiyi nailiyyətlər barədə bizə ətraflı məlumat verib
Bildirilib ki, "Beynin gimnastikası" adlandırılan proqramın əsas məqsədi uşaqların hələ erkən yaşlarından sağ və sol beyin yarımkürələrinin potensialından istifadə olunaraq, onlarda güclü yaddaşın yaradılmasıdır. Mərkəzdə fəaliyyət göstərən "Məktəbəqədər hazırlıq” kurslarında riyaziyyat, Ana dili, həyat bilgisi, məntiq, ingilis dili ilə yanaşı "Mental aritmetik" proqramı da tədris edilir. Xüsusilə əhəmiyyətlidir ki, proqram eyni zamanda diqqət dağınıqlığını da aradan qaldırır. Mərkəzin rəhbəri İradə xanım "Tiamo uşaqları"nda riyazi və məntiqi təfəkkür, qavrama, dərketmə, analiz və sintez etmə, fikri cəmləmə və s. kimi bacarıqların, liderlik kimi qabiliyyətlərin sürətlə inkişaf etdiyi üçün bu proqramı tam bitirmiş uşaqların dərslərdə müvəffəqiyyət faizinin digərlərinə nisbətən qat-qat üstün olduğunu diqqətə çatdırıb. Belə ki, 5 yaşlı uşaqlar sərbəst yazmaq, dəqiqədə 60-100 söz oxumaqla bərabər, 2-3 mərhələli riyazi və məntiqi məsələləri asanlıqla həll edir, ingilis dilindən 300-dən artıq söz bilirlər. "TİAMO" proqramı sayəsində öyrəndiklərini asanlıqla mənimsəyən bu uşaqlar gələcəyin alimləri, həkimləri, mühəndisləri, istehsalat rəhbərləri ola biləcəklər, yarışların və olimpiadanın keçirilməsində məqsəd uşaqların dünyagörüşünə, intellektual səviyyələrinin inkişafına böyük təsir göstərərək, onların sosiallaşması prosesini təmin etməkdir.
Azyaşlıların mental bacarıqları, rəqs nümunələri deputatlar tərəfindən böyük maraqla qarşılandı.
Tədbirin sonunda Milli Məclisin deputatları "Tiamo kids” Dahi Uşaqlar Mərkəzinin şagirdləri ilə xatirə fotosu çəkdiriblər.
Xəbərdən istifadə edərkən istinad etmək vacibdir.
