İkinci Qarabağ müharibəsində əldə etdiyimiz misli görünməyən Qələbə Azərbaycanın nüfuzunun, iqtisadi-hərbi qüdrətinin təsdiqinə çevrilib, ölkəmizdə yeni reallıqların yaranmasını şərtləndirib. Bütün bunlarla yanaşı, Vətən savaşında xalqımız igid oğulları ilə hər kəsə öz sözünü deyib.
Sumqayıt Regional Mədəniyyət İdarəsinin nümayəndəliyi və idarəyə tabeli Abşeron rayon Mədəniyyət mərkəzinin kollektivi 44 günlük müharibənin daha bir qəhrəmanı olan şəhid Səxavət Rizvan oğlu Abbasovun ailəsini ziyarət ediblər.
Şəhidimizin ailəsi ilə bərabər Səxavəti yad edib, onun keçdiyi şərəfli yola nəzər salıblar.
Səxavət Abbasov oktyabr ayının 20-i Füzuli istiqimatində gedən döyüşlərdə qəhrəmanlıq göstərərk şəhidlik məqamına ucalıb.
Ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamı ilə "Vətən uğrunda”, "Füzulinin azad olunmasına görə” medalları ilə təltif olunub.
Müəssisənin kollektivi tərəfindən şəhidimizin ailəsinə sovqat təqdim olunub.
Allah Şəhidlərimizə rəhmət eləsin!
Xəbərdən istifadə edərkən istinad etmək vacibdir.
