İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən istehlak bazarında keçirilən monitorinqlər aparılıb.

Nazirliyinin ictimaiyyətlə əlaqələr şöbəsindən verilən məlumata görə, monitorinqlər zamanı Bakının Nəsimi rayonunda Moskva prospektində Nemət Sadıqova məxsus mağazada; Sumqayıt şəhərində 29-cu məhəllə, 2/20 ünvanında Orxan Səfərova məxsus mağazada; 32-ci məhəllədə Rima Lişanovaya məxsus mağazada saxlama müddəti ötmüş və normativ- texniki sənədlərin tələblərinə uyğun olmayan mallar aşkar edilib.

Dövlət Xidməti tərəfindən Bakının Yasamal rayonunda Ç.Mustafayev küçəsində Gülarə Həsənovaya məxsus mağazada; Sumqayıtın 12-ci mikrorayonda Paşa Babayevə məxsus mağazada; Şirvan şəhərində Energetik küçəsində Dursun Nəcəfova məxsus mağazada; Hacıqabul rayonunda Navahi qəsəbəsində Şahin Həsənova məxsus mağazada; Göyçayda Cəyirli kəndində Aydın Həmidova məxsus mağazada; Xaçmaz şəhərində İ.Qayıbov küçəsində Təranə Zülfüqarovaya məxsus mağazada və Füzulinin Horadiz şəhərində Tahir Hüseynova məxsus mağazada saxlama müddəti ötmüş malların satıldığı aşkarlanıb.

Qanun pozuntusuna yol vermiş şəxslər barəsində Azərbaycanın İnzibati Xətalar Məcəlləsinə uyğun olaraq inzibati cərimələr tətbiq olunacaq.  (salamnews.org)