Sumqayıt şəhərində Böyük Qələbə ilə başa çatan 44 günlük Vətən müharibəsində şəhidlik zirvəsinə ucalan Azərbaycan Silahlı Qüvvələrinin leytnantı, tağım komandiri şəhidimiz Əzizov Teymur Əli oğlunun anım günüdür. Əzizov Teymur 22.06.1987-ci il də dünyaya gəlmiş, 2-ci Qarabağ müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb, lakin Füzuli istiqamətində gedən döyüşlərdə qəhrəmancasına vuruşaraq 06.10.2020- ci il tarixində şəhid olmuşdur.
Əzizov Teymur Əli oğlu ön cəbhəyə gedərək son nəfəsinə kimi torpaqlarımızın azad olunması uğrunda şücaət gösdərərək,döyüş bölgəsində düşməni hədəfində tutmuş və bir çox erməni əsgərini məfh edərək Şəhidlik zirvəsinə ucalmışdır. Şəhidimizi böyük qürur və ehtiram hissi ilə yad edirik.
Millət vəkili Hicran Hüseynova Sumqayıt şəhər Şəhidlər Xiyabanına gedərək şəhidimiz Əzizov Teymur Əli oğlunun anım günündə iştirak edib, məzarına gül dəstələri düzərək şəhidin əziz xatirəsini yad edib. Şəhidimizin ailəsinə dərin hüzünlə baş sağlığı verib, şəhidimizlə qürur duyulduğunu, hər zaman lazım olan qayğını və dəstəyi bundan sonra da ailəyə göstərəcəklərini bildiriblər.
Dövlət başçımızın və Birinci vitse-prezident Mehriban xanım Əliyevanın hər zaman şəhid ailələri, qazilərimizə xüsusi diqqət və qayğı göstərdiklərini bildiriblər.
Millət vəkili Hicran Hüseynova şəhidimizə Allahdan rəhmət diləyir, hər zaman qürur və ehtiram hissi ilə yad etdiyini bildirib.
Bugünümüzü onlara borcluyuq, şəhid və qazi ailələrinin hər zaman yanında olacaqlarını bildiriblər.
Xəbərdən istifadə edərkən istinad etmək vacibdir.
