Vitse-spikerdən təklif: “Ata-anasını “Qocalar Evi”nə verən övladların hüquqi məsuliyyətini müəyyən edən qanun qəbul edilməlidir”

Azərbaycanda qoca  valideynlərini ataraq tərk etmiş ovladların cəzalandırılması ilə bağlı qanun qəbul edilə bilər. Modern.az bildirir ki, bu barədə təkliflə Milli Məclisin bu günkün iclasında çıxış edən vitse-spiker Bahar Muradova çıxış edib. Onun sözlərinə görə, bununla bağlı müvafiq qanun olmalıdır.

"Ahıl şəxslərin, tərk edilmiş yaşlıların hüquqlarının qorunması üçün, ən azı onları bu vəziyyətə çatdırmış övladların cəzalandırılması, qınanması, düzgün yola gətirilməsi üçün belə övladların hüquqi və maddi məsuliyyətlərini müəyyən edən qanun qəbul etməliyik”-deyə B.Muradova bildirib.

“Necə olur ki, gənc ailədə övladını atan atanın üzərinə aliment hüququ qoyuruq amma valideyinini atan imkanlı şəxslər öz öhdəliklərini yerinə yetirmir? Biz bu öhtəlikləri müəyyənləşdirməli və onları buna məcbur etməliyik”-deyə Milli Məclisin sədr müavini bildirib.  

Deputat həmçinin hərbi idarə etmə qurumlarında, hərbi hissələrdə, əsasən cəbhə bölgələrində, təmas xəttinə yaxın yerlərdə psixoloq şatının açılmasına ehtiyac var. “Bunun üçün qanunverciliyə müvafiq dəyişikliklər edilməsinə və icra olunmasına ehtiyac var.