Xeberle.com xəbər verir ki, Xidmət Sahələri üzrə Sumqayıt Dövlət Peşə Təhsil Mərkəzində təsdiq olunmuş tədbirlər planına əsasən Zəfər   Günü ilə  əlaqədar  silsilə tədbirlər  həyata  keçirildi.

Növbəti tədbir Xidmət Sahələri üzrə Sumqayıt Dövlət Peşə Təhsil Mərkəzi  və  Sumqqayıt  Regional "Asan Xidmət" mərkəzinin qarşılıqlı əməkdaşlığının ilk layihəsi  olan  "Zəfər   Gününə   Qarabağ   Mətbəxti   İlə" adlı  sərgisidir. Sərgi 7 Noyabr tarixində Asan Xidmət mərkəzində təşkil edildi. Sərgidə peşə təhsili mərkəzində "Aşbaz" ixtisası üzrə təhsil alan tələbələrin hazırladığı Qarabağ mətbəxtinin xörəkləri, şirniyyatları  və içkiləri  təqdim olundu.

Sərgidə iştirak edən vətəndaşlar mərzəkdə "Dərzi" ixtisası   üzrə  təhsil  alan  tələbələrin əl  işlərindən  ibarət  güşə ilə də tanış oldular.

Tədbiri giriş sözü ilə Asan Xidmət mərkəzinin direktoru  Kəmalə  Rəhimova açaraq, PTMin rəhbərliyinə əməkdaşlıq təklifini qəbul etdiyi üçün təşəkkürünü bildirdi, sərgidə iştirak edən müəllim və tələbələrə işlərində uğurlar dilədi.

Daha sonra PTMin direktoru Gülşən Ömərova çıxış edərək layihənin həyata keçirilməsinin məqsədi barədə iştirkçılara məlumat verdi, Azərbaycanın dilbər  güşəsi  olan Qarabağın qədim və zəngin kulinariyası olduğunu və yeni  nəsilə  bu kulinariyanı  tanıtdırmagın  nə qədər  əhəmiyyətli  oldugunu  qeyd  etdi. O, Asan Xidmət mərkəzinin rəhbərliyi, əməkdaşları, PTMin müəllim və tələbə heyətini, eləcə də sərgidə iştirak edən vətəndaşları  Zəfər Günü münasibəti ilə təbrik etdi.

Sonda Xidmət Sahələri üzrə Sumqayıt Dövlət Peşə Təhsil Mərkəzi və Asan Xidmət mərkəzinin rəhbərləri təbirdə iştirak  edən müəllim və tələbələri Təşəkkurnamə  ilə təltif  etdilər.