«Azərikimya» İstehsalat Birliyinin təşkilatçılığı ilə Sumqayıtın bir sıra müəssisə, idarə və təşkilatlarını təmsil edən komandalar arasında Gənclər günlərinə həsr olunmuş "Breyn-rinq” - bilik yarışması keçiril­ib.
Birliyin Mətbuat xidmətindən Xeberle.com-a verilən məlumata görə, "Azərikimya” İB-nin də təmsil olun­duğu yarışlara Moskva Dövlət Universitetinin Bakı filialının, Bakı Ali Neft Məktəbinin, Sumqayıt Dövlət və Qafqaz Universitetlərinin, YAP Sumqayıt şəhər təşkilatınin, Müəl­limlər İnstitutunun Sumqayıt filialinin, şəhər təhsil şöbəsinin, KİV nümayən­dələrinin, ARDNŞ-nin Təlim, Tədris və Sertifi­kat­laş­dırma  İda­rəsinin Sumqayıt Təlim-Tədris Mərkə­zinin, Qızıl Aypara Cəmiyyəti Sumqayıt şəhər təşkilatınin, "N” saylı hərbi hissənin, "Yaşıl kimyaçılar” klubunun və digər müəssisələrin komandaları da daxil olmaqla 20 komanda qatılıb. İki mərhələdən ibarət olmaqla  dörd  saata qədər davam edən bilik yarışmasında öz yüksək bilik səviyyəsi və geniş dünyagörüşə malik olmaları, hazırcavablıqları ilə seçilən "Proqress” Sumqayıt Təlim-tədris mərkəsi komandası birinci, "Reduco” Tədris Mərkəzinin komandası və Qafqaz Universitetinin "Yaşıl kimyaçılar” komandaları isə müvafiq olaraq ikinci və üçüncü yerləri tutublar. «Azərikimya» İB Müşahidə Şurasının sədri Muxtar Babayev bilik yarışmasında mükafata layiq yerlər tutmuş komandaların üzvlərini təbrik edib onlara yeni-yeni  qələbə uğurları arzulayıb. Sonda «Azərikimya» İstehsalat Birliyi Həmkarlar İttifaqı Komitə­si tərəfindən qalib komandalar fəxri diplomlar və pul mükafatları ilə təltif olunublar. Həmçinin Müəl­limlər İnstitutunun Sumqayıt filialının və "N” saylı hərbi hissənin komandaları yarışlarda fəal iştirak etdiklərinə görə mükafatlandırılıb.
Xeberle.com