Sumqayıt – Hacı Zeynalabdin yolunda genişləndirmə işləri aparılır. Layihə üzrə avtomobil yolunun genişləndirilən hissəsinin uzunluğu 13.7 kilometrdir. Bu haqda Azərbaycan Avtomobil Yolları Dövlət Agentliyinin rəsmi Facebook səhifəsinə istinadən xəbər veririk.
Məlumata əsasən, sözügedən avtomobil yolu 4 zolağa kimi genişləndirilir. Yolun eni 15 metrdən 23-25 metrə dək, hərəkət hissəsi isə 7-10 metrdən 15 metrə dək artırılır.
Artıq yolun ilk 8 kilometrlik hissəsində yeni yol əsasının alt qatının tikintisi tamamlanıb. Həmçinin, həmin km-də bir aşırımlı körpünün kənar dayaqlarının da inşası yekunlaşıb.
Xəbərdən istifadə edərkən istinad etmək vacibdir.
