Azərbaycan Respublikası Prezidentinin 2020-ci il 13 fevral tarixli 1816 nömrəli Sərəncamı ilə təsdiq edilmiş "Məşğulluq Strategiyasının” həyata keçirilməsinə dair 2020–2025-ci illər üçün Tədbirlər planını rəhbər tutaraq 18-19 dekabr tarixlərində Sumqayıt şəhər İcra Hakimiyyətinin təşəbbüsü, Sumqayıt Gənclər evinin və Palıd Şirkətlər Qrupunun birgə təşkilatçılığı ilə Sumqayıt I Karyera Sərgisi həyata keçirilib.
Xeberle.com xəbər verir ki, Sərgi Sumqayıt şəhər İcra Hakimiyyəti başçısının birinci müavini Teymur Səmədov və Azərbaycan Respublikası Milli Məclisinin millət vəkilləri Tahir Mirkişili, Hicran Hüseynova, İlham Məmmədov və Ceyhun Məmmədovun iştirakı ilə açıq elan olunub. Qonaqlar sərgilənən vakansiyalarla tanış olduqdan sonra həyata keçirilən təşəbbüsü yüksək qiymətləndiriblər. Bu formatda layihələrin mütəmadi həyata keçirilməsini tövsiyyə ediblər. Sərgidə 30 – a yaxın şirkət və dövlət müəssisəsi iştirak edib. Sərgidə şirkətlərin və müəssisələrin vakansiyaları sərgilənib. İştirakçılar özlərinə uyğun vakansiyalara müraciət ediblər. Layihə Sumqayıt vətəndaşları tərəfindən böyük maraqla qarşılanıb.
Xəbərdən istifadə edərkən istinad etmək vacibdir.
