Sumqayıtda şəhid ailəsinin fərdi evinə su xətti çəkildi
Xeberle.com xəbər verir ki, Sumqayıt Sukanal İdarəsi şəhərin "Stansiya Sumqayıt" yaşayış massivi ərazisində şəhid Hüseyn Abdulovun ailəsinin fərdi yaşayış evinə su xətti çəkib.
İdarənin əməkdaşları tərəfindən şəhid ailəsi üçün 100 metr (d32mm) yeni su xətti çəkilib və istifadəyə verilib.
Qeyd edək ki, Hüseyn Etibar oğlu Abdulov 1995-ci ildə Sumqayıt şəhərində anadan olub. 2014-cü ilin 1-3 avqust tarixləri arasında Azərbaycan-Ermənistan təmas xəttində baş verən döyüşlər zamanı şəhid olub. Avqustun 2-si isə Hüseyn Abdulov doğulduğu Sumqayıt şəhərində, Şəhidlər Xiyabanında dəfn olunub.
Hüseyn Abdulov ölümündən sonra göstərdiyi qəhrəmanlığa görə Azərbaycan Respublikası Müdafiə Naziri general-polkovnik Zakir Həsənovun sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.
Xəbərdən istifadə edərkən istinad etmək vacibdir.
